समाचार

फेरी साउन २ र १० गते नेपाल बन्द

काठमाडौं, २६ असार । लोकसेवा आयोगले निकालेको विज्ञापनको विरुद्ध उत्रिएको नेपाल आदिवासी जनजाति महासंघले नेपाल बन्द लगायत आन्दोलनका कार्यक्रम सार्वजनिक गरेको छ, विज्ञापन खारेज गर्न माग गर्दै आरक्षण बचाऔ आन्दोलन थालेको महासंघले मसाल जुलुस, विशाल जनप्रदर्शन र नेपाल बन्द लगायतका कार्यक्रम सार्वजनिक गरेको छ ।

संघिय गणतन्त्र नेपालको संविधान बिपरित, समानुपातिक समावेशी सिद्धान्तको भावना र आरक्षणको मर्मविपरीत लोकसेवा आयोगले विज्ञापन निकालेको भन्दै महासंघ आन्दोलनमा उत्रिएको हो। संविधानप्रदत्त आरक्षण सुनिश्चित गर, राज्य व्यवस्था समितिको निर्देशन पालना गर, आरक्षण सुनिश्चित गरी पुनः विज्ञापन गर’लगाएतका नारा महासँघले उठाएको छ ।

महासंघले असार २८ गतेदेखि साउन १० गतेसम्म आन्दोलनको कार्यक्रम सार्वजनिक गरेको छ । असार २९ गते काठमाडौ उपत्यकाको विभिन्न स्थानमा मसाल जुलुस, असार ३१ गते माइतीघर मण्डलामा विशाल जनप्रदर्शन, साउन २ र १० गते नेपाल बन्द घोषणा गरिएको छ ।

यस्तो छन्र आन्दोलनका कार्यक्रमहरु:
२०७६ असार २८ गते प्रचार-प्रसार र पर्चा वितरण काठमाडौं उपत्यकालगायत देशका विभिन्न ठाउँहरूमा ।
२०७६ असार २९ गते साँझ मसाल जुलुस काठमाडौं उपत्यकालगायत देशका विभिन्न ठाउँहरूबाट ।
२०७६ असार ३० गते साँझ सिठ्ठी जुलुस काठमाडौं उपत्यका लगायत देशका विभिन्न ठाउँहरूबाट ।
२०७६ असार ३१ गते उपत्यकाको विभिन्न ठाउँहरूबाट जुलुससहित विशाल जनप्रदर्शन माइतीघर मण्डला र देशैभर ।
२०७६ साउन २ र १० गते नेपाल बन्द ।
Source:Tajakhabar

Related Articles

Close